கொரோனா வைரஸ் கிருமி பற்றி உயிர்தொழில் நுட்ப துறையில் முனைவர் பட்டம் பெற்ற ஒரு மருத்துவரின் அருமையான விளக்க பதிவு!!

கொரோனா வைரஸ் கிருமி பற்றி உயிர்தொழில் நுட்ப துறையில் முனைவர் பட்டம் பெற்ற ஒரு மருத்துவரின் அருமையான
விளக்க பதிவு!!

*நான் Dr.P.மணி.
நான் உயிர்தொழில் நுட்ப துறை (Biotechnology )ஆராய்ச்சி செய்து முனைவர் பட்டம் பெற்றுள்ளேன்.

இப்போது கும்பகோணம்அன்னை அறிவியல் ஆராய்ச்சி மற்றும் மருத்துவ குழுமத்தின் இயக்குநராக பணியாற்றி வருகிறேன்.

என்னிடம் என் மாணவர்கள் மற்றும் நண்பர்கள் ஏன் இன்னும் கொரானாவிற்கு மருந்து கண்டுபிடிக்கவில்லை? இந்த கொரோனா வைரஸ் கிருமி தொற்றிலிருந்து நம்மை எப்படி பாதுகாத்து கொள்வது?என விளக்கம் கேட்டனர்.

கொரோனா வைரஸ் கிருமி தொற்று பற்றி எனக்கு தெரிந்த அறிந்த உயிரியல் விளக்கத்தை கீழ்கண்டவாறு பதிவிடுகின்றேன்.

முழுமையான உயிர் பெறாத ஒரு அரைகுறை உயிரி தான் கொரோனா வைரஸ் .

ஒரு ஆர்என்ஏ
(நமது செல்களில் ஜீன் எனப்படும் டிஎன்ஏ இருப்பது மாதிரி வைரஸ்களில் இருப்பது டிஎன்ஏவின் அரைகுறை வடிவமான RNA)
அதைச் சுற்றி ஒரு புரதம் (Protein) மற்றும் கொழுப்பு சேர்ந்த ஒரு உறைதான் கொரோனா வைரஸ்  (ஆல்கஹால் கொண்ட சானிடைசர்கள், சோப்பு நுரை பட்டால் இந்த உறை கரைந்து வைரஸ் அவுட்).

அந்த உறையின் மீது ஆங்காங்கே முட்கள். இது தான் கொரோனா வைரஸ்.

இந்த முட்களின் வேலை எளிதாக எதிலும் ஒட்டிக் கொள்ளவதே.

இந்த முட்களும் புரதத்தால் ஆனவையே.

கொரோனா வைரசில் இந்த முட்கள் பார்ப்பதற்கு கிரீடத்தில் (Crown) இருக்கும் வேலைப்பாடு போல இருப்பதால் இந்த வைரசுக்கு கொரோனா வைரஸ் எனப் பெயர்.

இதை ஏன் அரைகுறை உயிரி என்கிறோம்.

இந்த வைரஸ்களால் தானாக வாழ முடியாது.

இது ஒரு முழுமையான
ஒட்டுண்ணி.

ஏதோ ஒரு உயிரினத்தின் செல்லுக்குள் புகுந்து அந்த
செல்லில் இருக்கும் திட, திரவப் பொருட்களையே உணவாக்கிக் கொண்டு பல்கிப் பெருகுவது தான் வைரஸ்களின் வேலை.

செல்லுக்கு வெளியே சில மணி நேரமோ அல்லது சில நாட்களோ தான் இதனால் தாக்குப் பிடிக்க முடியும்.

இந்த வைரஸ் மூக்கு, வாய்
அல்லது கண் வழியாக உள்ளே நுழைந்தவுடன் முதலில்
தொண்டை பகுதியை தாக்குகிறது.

தொண்டையில் உள்ள திசுக்களின் செல்களில் இது பல்கிப் பெருகியவுடன் தான் தொண்டை வலியும் இருமலும் தொடங்குகிறது.

இந்த வைரஸ்களை எதிர்த்து நம் உடலின் எதிர்ப்பு சக்தி (Immune system)உடனே மோதலை தொடங்குகிறது.

அந்த மோதலின் அறிகுறி தான் காய்ச்சல்.

பெரும்பாலான வைரஸ்கள்
அதிக வெப்ப நிலையை தாங்க முடியாதவை என்பதால், உடலின் வெப்ப நிலையை உயர்த்தி வைரஸ்களை காலி செய்ய நமது உடலின் எதிர்ப்பு சக்தி முயற்சிக்கிறது.

இந்த மோதலின்போதே பெரும்பாலான வைரஸ்களை
நமது உடல் கொன்று விடுகிறது,
கொரோனா வைரஸ் உள்பட.

நமது உடலின் Immune system ஒரு மாபெரும் பாதுகாப்பு அரண்.

வைரஸோ, பாக்டீரியாவோ
அல்லது வேறு ஒரு நுண்ணுயிரோ உடலுக்குள் புகுந்தவுடன் அவற்றை நமது உடல் இரு வகையான காரணிகளை வைத்து அடையாளம் கண்டுபிடிக்கிறது.

முதலாவது அந்த நுண்ணுயிர் வெளியிடும் வேதியியல் பொருட்கள், இரண்டாவது அந்த நுண்ணுயிரின் உருவம்.

இது வெளியில் இருந்து வந்த பொருள் என்பதை கண்டுபிடித்த உடனே நமது ரத்தத்தின் வெள்ளை அணுக்கள் அவற்றை கொல்லும் வேலையில் இறங்குகின்றன.

வைரஸ், பாக்டீரியாவை அப்படியே விழுங்கி ஏப்பம் விடும் வேலைக்கு Macrophages, Neutrophils போன்ற அடியாட்களை வெள்ளை அணுக்கள் அனுப்புகின்றன.

ஆனால், இதையும் தாண்டி வைரஸோ பாக்டீரியாவோ
உடலை பதம் பார்க்க ஆரம்பித்தால், அடுத்த கட்ட அரண்கள் வேலையில் இறங்கும்.

அதில் ஒன்று Innate lymphoid cells.

இதன் ஒரு பிரிவான T- Killer cellகளின் வேலை வைரஸ்களால் பாதிக்கப்பட்ட உடல் செல்களை கொன்று, வெளியேற்றி உடல் திசுக்கள் மேலும் மோசமடையாமல் தடுப்பது.

மேலும் வைரஸ்களுக்கு உணவாகிக் கொண்டிருக்கும் செல்களின் எண்ணிக்கையை குறைப்பது.
இது தான் இதன் வேலை.

அதே நேரத்தில் Macrophages, Neutrophils போன்றவற்றால் தடுக்க முடியாத வைரஸ்களை ஒழித்துக் கட்ட நமது உடல் அனுப்பும் பிரம்மாஸ்திரம் தான் B cells எனப்படும் வைரஸ்களை தாக்கும் செல்கள்.

இந்த செல்கள் வைரஸ்களின் உருவத்தை அடையாளம் கண்டு, அதன் மீது ஒட்டிக் கொண்டு, அப்படியே இழுத்துச் சென்று Lumph nodes எனப்படும் நிணநீர் சுரப்பிகளில் வைத்து, அங்கு சுரக்கும் ரசாயனங்கள் உதவியோடு வைரஸ்களை கொல்லும்.

இந்த உடல் எதிர்ப்பு சக்தி
ஒரு பக்கம் இருக்க, தொண்டைப்பகுதியை
அடைந்த கொரோனா
வைரஸ்கள் அடுத்ததாக
நமது உடலை பாதிப்பது நுரையீரலை.

நுரையீரலின் உள் சுவற்றில் இருப்பவை மிக லேசான பில்லியன் கணக்கான எபிதீலியல் செல்கள்.

இந்த செல்களில் கொரோனா வைரஸ் ஒட்டிக் கொண்டு, துளை போட்டு தனது ஆர்என்ஏவை உள்ளே நுழைக்கும்.

இந்த ஆர்என்ஏ செல்லுக்குள் போய் லட்சக்கணக்கில் தனது பிரதிகளை ஜெராக்ஸ் மெசின் மாதிரி காப்பி எடுக்கும்.

இந்த ஒவ்வொரு ஆர்என்ஏவும் ஒரு வைரசாக மாறும்.

அந்த செல் முழுக்கவே வைரஸ்களால் நிறையும்போது, அந்த செல்லே வெடித்து மடியும்.

அந்த வெடிப்பில் இருந்து கிளம்பும் லட்சக்கணக்கான வைரஸ்கள் அடுத்தடுத்த செல்களை இதே போல தாக்கி அழித்து,பல்கிப் பெருகும்.

10 நாட்களில் நுரையீரலின் பெரும்பாலான செல்களை
இந்த வைரஸ் ஆக்கிரமிக்கும்.

இதுவரையும் கூட பிரச்சனை அதிகமில்லை.

ஆனால், இந்த வைரஸ்களை அழிக்க நமது உடலின் Immune cells எனப்படும் எதிர் தாக்குதல் செல்கள் நுரையீரலில் நுழைந்து தாக்க ஆரம்பிக்கும்போது தான் பிரச்சனையே துவங்குகிறது.

மற்ற வைரஸ்களில் இருந்து கொரோனா இங்கே தான் மாறுபடுகிறது. ழ

இந்த கொரோனா வைரஸ்,
நமது உடலின் எதிர் தாக்குதல் செல்களுக்குள்ளேயே நுழைந்து அதையும் சேதப்படுகின்றன.

சேதப்படுத்துவதோடு மட்டுமல்ல, அந்த செல்களின் ஜீன்களில் குழப்பத்தையும் ஏற்படுத்துகின்றன.

நமது Immune system செல்கள் ஒன்றோடு ஒன்று தகவல் பரிமாறிக் கொள்வது சைட்டோகைன்ஸ் (Cytokines) எனப்படும் ஒரு வேதிப் பொருள் மூலம் தான்.

ஜீன்கள் பாதிக்கப்பட்ட எதிர் தாக்குதல் செல்கள் குழப்பமான சைட்டோகைன் தகவல்கள் அனுப்ப, நுரையீரலை பாதுகாக்க கிளம்பி வரும் Neutrophils செல்கள், கொரோனா வைரஸ்களுக்கு பதிலாக உடலின் எதிர்ப்பு சக்தி செல்களை தாக்க ஆரம்பிக்கும்.

அதே போல பாதிக்கப்பட்ட நுரையீரல் செல்களை தற்கொலை செய்ய வைத்து நோய் மேலும் பரவாமல் தடுக்க வேண்டிய வேலைக்காக வரும் T- Killer cellகள் வந்த வேலையை விட்டு விட்டு, நன்றாக இருக்கும் நுரையீரல் செல்களை அழியச் சொல்லி தகவல் தரும்.

இதனால் நுரையீரல் பெரும் பாதிப்புக்கு உள்ளாகி, அடுத்ததாக பாக்டீரியா தாக்குதல், நிமோனியா உள்ளிட்ட தோற்று நோய்களுக்கு ஆளாக நேரிடும்.

இந்த இடத்தில் தான் மரணங்கள் நிகழ்கின்றன.

இப்படி உடலின் எதிர்ப்பு சக்தியையே நமது உடலுக்கு
எதிராக திருப்பி விடுவதில் தான் கொரோனா வைரசின் முழு சக்தியும் அடங்கியுள்ளது.

வைரசின் உருவத்தை வைத்து அடையாளம காணும் B- cellகள் கூட கொரோனாவிடம் இதுவரை எளிதில் வெற்றியை ஈட்டவில்லை.

இந்த வைரஸ்கள் அனுப்பும் வேதியல் தகவல்கள் (Cytokines) எல்லா நேரமும் ஒரே மாதிரியாக இல்லை.

அவை லட்சக்கணக்கான வகைகளில் மாறிக் கொண்டே இருப்பதால் T-killer cells, B cells ஆகியவற்றால் இவற்றை சரியாக அடையாளம் காண முடியவில்லை.

இது தான் இந்த வைரசுக்கு எதிராக மருந்தோ தடுப்பு ஊசியோ தயாரிப்பதில் பெரும் சிக்கலை ஏற்படுத்தி வருகிபது.

நாம் உண்ணும் அல்லது ஊசி மூலம் போட்டுக் கொள்ளும் மருந்துகள் உடலுக்குள் சென்றவுடன் வேதியியல் தகவல்களாக மாறித்தான் நோயை ஏற்படுத்தும் கிருமிகளோடு நேரடியாக மோதுகின்றன,அல்லது உடலின் Immune system- உடன் பேசி, வேண்டிய எதிர்ப்பு மருந்தை உடலையே தயாரிக்க வைக்கின்றன.

 ஆனால், கொரோனா நமது உடல் எதிர்ப்பு சக்தி சிஸ்டத்தையே தனது கட்டுப்பாட்டுக்குள் கொண்டு சென்றுவிடுவது தான் இந்த வைரசுக்கு எதிராக எந்த மருந்தை வைத்து போராடுவது என்ற குழப்பத்தில் மருத்துவ உலகை ஆழ்த்தியுள்ளது.

கொரோனா வைரஸ்களின் கெமிக்கல் தாக்குதல்களால் குழம்பிப்போன T-killer cells,
B cells-களும் ஏற்கனவே
கொரோனா பாதித்த நுரையீரல்களை மேலும்
பாதித்து உலகெங்கும் உயிரிழப்புகளை ஏற்படுத்தி வருகின்றன.

ஆனால், ஏற்கனவே நுரையீரல் பிரச்சனை, நோய் எதிர்ப்பு சக்தியில் பிரச்சனை உள்ளவர்களில் தான் இந்த உயிரிழப்புகள் அதிகமாக ஏற்படுகிறது.

நல்ல உடல் நிலையில் உள்ளவர்களுக்கு பிரச்சனை குறைவாகவே உள்ளது.

உடலில் கொரோனா வைரஸ் ஏற்படுத்தும் பெரும் குழப்பத்துக்கிடையிலும் பெரும்பாலான நேரங்களில்
நமது உடல் எதிர்ப்பு சக்தி
சிஸ்டம் கொரோனா வைரஸை தோற்கடித்துவிடுகிறது.

 நீரிழிவு நோய் உள்ளவர்களின் ரத்தத்தில் அதிகமாக இருக்கும் சர்க்கரையால் உடலின் எதிர்ப்பு சக்தி முடக்குகிறது.

அதே போல இதயக் கோளாறு,
பி.பி உள்ளவர்களின் உடலில் நுண்ணிய ரத்தக் குழாய்கள் போதிய ரத்தத்தை எடுத்துச் செல்வதில் சிக்கல் வருவதால், உடலின் எல்லா பகுதிக்கும்
போதிய சக்தி கிடைப்பதில்லை,
நோய் எதிர்ப்பு சக்தி உள்பட.

ஆனால், சர்க்கரை அளவும் பிபியும் மருந்துகள், உடற்பயிற்சி மூலம் கட்டுப்பாட்டில் உள்ளவர்களுக்கு பிரச்சனை இல்லை.

இங்கேயும் உடலின் எதிர்ப்பு
சக்தி கொரோனாவை தோற்கடித்துவிடுகிறது என்பது தான் நல்ல செய்தி.

கொரோனா வைரசுக்கு தடுப்பூசி கண்டுபிடித்துவிடுவார்களா? என்பது தெரியவில்லை.

35 ஆண்டுகளுக்கு முன் வந்த எய்ட்ஸ் நோய்க்கு இன்னும் தடுப்பூசி கண்டுபிடிக்கப்படவில்லை.

அந்த எச்ஐவி வைரசும் கொரோனா வைரஸ் ரகத்தை சேர்ந்தது தான்.

அதுவும் நமது உடலின் எதிர்ப்பு சக்தியை கதிகலங்க வைக்கும் வைரஸ் தான்.

ஆனால், கொரோனா மாதிரி
எச்ஐவி வைரஸ் மூலம் இவ்வளவு சாதாராணமாக இருமல், தும்மல் மூலம் எல்லாம் பரவவில்லை.

அந்த வகையில் கொரோனா தான் கொடூரம்.

அதற்குத் தான் வீட்டிலேயே
முடங்க சொல்கிறார்கள்.

இன்னும் மருந்து கண்டுபிடிக்க இயலாத நிலையில், இந்த நோயில்
இருந்து தப்பிப்பதே உசிதம்.

இந்த நோய் தாக்குதலை தவிர்ப்பதே இதற்கான இப்போதையே ஒரே மருந்து!

தனித்திருப்போம்!விழிப்புடன் இருப்போம்!!வீட்டிலேயே இருப்போம்!!!கொரோனாவை ஒழிப்போம்!!!!

(தற்போதைய வாட்ஸ் ஆப் செட்டிங்கில் forward மெஸேஜை ஒரு முறைதான் forward செய்ய முடியும் என்பதாலும்,ஒவ்வொரு தடவையாக பல நண்பர்களுக்கு forward செய்வதில் ஏற்படும் சிரமத்தை குறைப்பதற்காக எனக்கு வாட்ஸ் ஆப்பில் வந்த இந்த பயனுள்ள மெஸேஜை காப்பி&பேஸ்ட் செய்து பதிவிட்டுள்ளேன்.

இந்த மெஸேஜை ஐந்து பேருக்கு ஒரே நேரத்தில் அனுப்ப முடியும் என்பதால் இந்த செய்தியை உங்களுக்கு தெரிந்த வாட்ஸ் ஆப் நண்பர்கள்/வாட்ஸ் ஆப் குழுக்களுக்கு அனுப்பவும்.)

நன்றி! வணக்கம்!!Best regards,

Your Name
tel.:
fax:
your@email.com
http://www.yoursite.com

வீடு மாறிய கதைகள் - சுஜாதா

வீடு மாறிய கதைகள் - சுஜாதா
(கற்றதும் பெற்றதும்)
டெல்லியில் வேலைக்கு போனதிலிருந்து 40 வருடங்கள் ஆகின்றன. இதில் இதுவரை பன்னிரண்டு முறை வீடு மாறி ஆகிவிட்டது. வேலைக்கு போன புதிதில் டெல்லி சவுத் இந்தியா போர்டிங் ஹவுஸிங் வீட்டில் ஒரு கட்டில், மேஜை, பின் இரண்டு வேளை சாப்பாடு ஆகியவற்றுக்கு எழுபத்தைந்து ரூபாய். எனக்கு மாதம் கிடைத்த ஸ்டைபெண்ட் தொகை 150 ரூபாய். பாக்கி பணத்தை என்ன செய்வது என்று தெரியாமல் திணறுவேன். ஆகாகான் போல உணர்ந்தேன். கண்டபடி புத்தகங்கள் வாங்கினேன். கிடார் வாங்கினேன். அதன்பின் சுமாரான வேலை கிடைத்தது. கரோல் பாகில் ஆறாவது பிளாக்கில் கணையாழி கஸ்தூரிரங்கன் குடியிருந்த வீட்டின் முன்னறையில் உபகுடி புகுந்தேன். ஆம்ப்ளிபையர் ஐ இணைத்து ராத்திரி நேரங்களில் நான் கிடார் வாசிப்பது கேட்டு கைக்குழந்தைகள் கக்குவதாக அந்த வட்டாரமே புகார் கொடுத்ததனால் இரண்டு காரியங்கள் செய்தேன்.
சங்கீத உலகம் ஒரு தேர்ந்த கிட்டாரிஸ்ட்டை இழந்தது.
15-A பிளாக் மற்றொரு அறைக்கு குடி பெயர்ந்தேன்.
வீட்டுக்காரர் மினிஸ்டரியில் செக்ஷன் ஆஃபீஸர். ஆசார சீலர். ஆரம்பத்தில் ரொம்ப நன்றாக பழகினார். சிகரெட் பிடிப்பதில் ஒரு கருத்து வேறுபாடு ஏற்பட்டது.
இடைக்காலத்தில் கல்யாணம் ஆகி விட்டதால் அதே 15-A கொஞ்சம் தள்ளி ஒரு மூன்று ரூம் அப்பார்ட்மெண்ட் எடுத்துக்கொண்டேன். மனைவியை பிரசவத்துக்கு அனுப்பிவிட்டு நாள் பூராவும் பிரிட்ஜ் ஆடுவோம். வாடகை 225 ரூபாய். வீட்டுக்காரர் லோக் என்று ஒரு பஞ்சாபி. ரிப்பேரே செய்ய மாட்டார். அவருக்கு அதைப் பற்றிப் பேசும்போது மட்டும் காது கேட்காது. பண விஷயங்கள் தெளிவாகக் கேட்கும்.
அந்த வீடு மெல்ல மெல்ல முனைகளில் உடைந்து எலும்பெல்லாம் தெரிய ஆரம்பித்தது. அதுதான் ஐடியா தாங்கமுடியாமல் காலி பண்ணி போய்விடுவேன் என்று. நானா !!
நல்ல லொகேஷன்... அஜ்மல் கான் ரோடு பக்கத்திலேயே இருந்தது. அதன் மார்க்கெட்டில் உலகில் உள்ள எல்லா பொருட்களும் (புத்தகங்கள்  தவிர) கிடைக்கும். இந்தியாவிலேயே பணக்கார மார்க்கெட் அதுதான் என்பது என் கருத்து. அந்த ஏரியாவில் இருந்த பழைய வீடுகளில் எல்லாம் ‘ மதராசி பாபு லோக்’ வசித்து வந்தார்கள். ஒரு சிலர் 15 ரூபாய் வாடகை கொடுத்துக்கொண்டு பிரிவினை காலத்திற்கு முன்னாலேயே வந்தவர்கள். அவர்களுக்கு வீட்டுக்காரர்கள் கணிசமான தொகை கொடுத்தும், சில பிடிவாதக்காரர்கள் வீடு இடிந்து விழும் வரை காலி செய்ய மாட்டார்கள்.
கரோல் பாக் அலுத்துப்போய் திடீரென்று சப்தர்ஜங்கில் ஒரு வீட்டின் பின்புறத்தில் குடி பெயர்ந்தேன். நல்ல அமைதியான லோகாலிட்டி அது. புது வீடு ஆனால் வீட்டுக்காரர் சல்லிசாக இருக்கிறது என்று ஒரு லோக்கல் ஃபேன் வாங்கிப் போட்டிருக்கிறார். ஒரு நாள் ஆபீசில் இருந்து வந்த களைப்பில் ஃபேன் போட, அது தொப்பென்று கீழே விழுந்து, நடுக்கூடத்தில் விளையாடிக்கொண்டிருந்த என் பிள்ளைகள் மயிரிழையில் தப்பித்தார்கள். வெகுண்டு வீட்டுக்காரரை உடனே போனில் கூப்பிட்டு அடிபட்ட பறவை போல கீழே கிடந்த ஃபேனைக் காட்டி சத்தம் போட்டேன். “ என்ன இது, என் மகன்கள் உயிர் தப்பினார்கள் - சாந்தினி சவுக்கில் அடாசு ஃபேன் வாங்கி பொருத்தி இருக்கிறீர்கள்…”
“இல்லை தர்யா கஞ்சில் வாங்கினேன். விழுந்து விட்டதா? ஒன்று பண்ணுகிறேன். சீலிங் ஃபேன் வேண்டாம். தலையின் மேல் விழுகிறது. ஒரு பெடஸ்டல் ஃபேன் வாங்கி வந்து போடுகிறேன்” என்றார். எனக்கு வந்த கோபத்தில் பார்க்கில் போய் அரை மணி நேரம் உட்கார்ந்துவிட்டு வந்தேன்.
பெங்களூரில் BEL வேலை கிடைத்ததால் ராஜாஜி நகர் முதல் பிளாக்கில் ஒரு பெரிய வீடு வாடகைக்கு எடுத்தேன். ஓனர் அந்த ஊர் ஐயங்கார். “ ஆட்டோ பண்ணிண்டு எங்களுக்குள் வாங்கோ” என்று ஒரு மாதிரியான தமிழ் பேசுவார். அடிக்கடி வந்து “ எல்லாம் வாசியா?       (சௌகரியமா) என்று விசாரித்துவிட்டு, காபி குடித்துவிட்டு வாடகை ஏற்றிவிட்டு போவார்.
3 மாசம் 2 மாசம் என்று இருந்தது மாதாமாதம் வர ஆரம்பித்தார். ஒருமுறை நான் கண்டிப்பாக அதிக வாடகை கொடுக்க மறுத்தேன். அவர் “ஆமாவா” என்று புன்னகைத்துவிட்டு அவுட் ஹவுசில் ஒரு சண்டைக்கார மாமியை குடி வைத்து விட்டு போய்விட்டார். மாமி நடு ராத்திரியில் எழுந்து துணி துவைப்பாள். அதுவும் துவைக்கிற கல்லில் கணவனின் மேல் உள்ள கோபத்தை எல்லாம் காட்டி அறைந்து, அறைந்து “ ஸ்... ஸ்” என்று பிஜிஎம் கொடுத்துக்கொண்டு துவைப்பாள். இங்கு ரொம்ப நாள் தாங்காது என்று பக்கத்திலேயே ரோடு தாண்டி என் ஒருவரின் மாமனார் வீடு வாடகைக்கு வந்தது - அதற்கு மாறினோம். “ உன்னை போல ஒரு டெனண்ட்டை நான் பார்த்ததில்லை” என்று கண்ணால் கண்ணீர் விட்டார் ஐயங்கார். ராஸ்கல்.
இந்தப் புது வீடு மாமா பார்த்துப் பார்த்து கட்டியிருந்தாலும், காண்ட்ராக்டர் ஏமாற்றி இருந்தான். சிமெண்டில் நிறைய மணல் கலந்து விட்டான் போலும். மழை பெய்தால் அம்மை கொப்புளங்கள் போல தண்ணீர் தெரியும். எப்போது சொட்டும் என்று எதிர்பார்க்கவே முடியாது. டென்ஷனில் நகம் எல்லாம் சிதிலம் ஆகிவிடும்.
ஆங்காங்கே பிளாஸ்டிக் குவளைகள வைத்தால் மனது மாறி வேறு இடத்தில் சொட்டும். என் நோட்டுப்புத்தகத்தில் தொட்டி நான் எழுதிய ஒரே ஒரு செக்ஸ் கதை கரைந்தே போயிருக்கிறது. இதற்கு மேல் தமிழ் இலக்கியம் கஷ்டப்படக்கூடாது என்று மறுபடி வீடு மாற்ற தீர்மானித்து, பாக்டரியின் காலனியில் குவாட்டர்சுக்கு வந்து விட்டேன்.
தனியான வீடு. வீட்டுக்காரர் தொந்தரவு இல்லை. அவ்வப்போது குயில் கூவிக் கொண்டு இதர பறவைகள் ஆமோதிக்க, ஒரு எழுத்தாளனுக்கு இதைவிட வேறு என்ன வேண்டும்? என்று என் படைப்பாற்றல் சுரப்பிகள் எல்லாம் ஓவர் டைம் பண்ண போகிறது என்று மகிழ்ந்தேன். கொஞ்சம் அதிகமாகவே அமைதி. ஜாஸ்தியாகவே குயில் கூவல். எனக்கு எழுதுவதற்கு பரபரப்பும் சஞ்சலமும் தேவையாக இருந்தது.
மேலும், என் மகன்கள் காலேஜுக்கு ரொம்ப தூரம் போக வேண்டி இருந்தது. அதனால் காலேஜ் அருகில் பனசங்கரி மூன்றாவது ஸ்டேஜில் ஒரு வீட்டுக்கு குடிபுகுந்தோம். பனசங்கரி என்பது அப்போது பெங்களூரின் விளிம்பில் ஒரு குன்று பிரதேசம். ரவுடிகள் துரத்தலில் முடிவில் கத்திக்குத்துக்கு இங்கேதான் தீர்மானிப்பார்கள்.
அங்கொன்றும் இங்கொன்றுமாக வீடுகள். காலி மனைகள் அதிகம். ஒரு டூத் பேஸ்ட் வாங்க ஒரு கிலோமீட்டர் நடக்க வேண்டி இருந்தது. மேலும் இடம் மாறியதில், என் பிள்ளைகள் படிப்பில் அப்படி ஒன்றும் ஓஹோ என்று மார்க் அதிகரித்து இருந்ததாகத் தெரியவில்லை. கேர்ள் ஃபிரண்ட்ஸ் தான் அதிகமானார்கள். அதனால் மீண்டும் பாக்டரி அருகிலேயே குவாட்டர்சுக்கு மனு செய்தேன். “ என்னப்பா, குட்டி போட்ட பூனை மாதிரி அலைகிறாயே” என்று அலுத்துக் கொண்டு, சாங்க்ஷன் ஆக ஆறு மாதம் ஆகும் என்று சொன்னார்கள்.
அதனால் ஃபேக்டரிக்கு அருகிலேயே ஒரு ஐஏஎஸ் ஆபிசரின் வீட்டு மாடியில் குறிப்பு வந்தேன். முதலில் எல்லாம் சுகம் தான். அவர்கள் வீட்டு நாய் டூட்டு எனும் கோல்டன் ரிட்ரீவர் எங்களை அங்கீகரித்து தினம் வந்து பிஸ்கட் கேட்கும். கார் நிறுத்துவதில் நான் முன்னாடியா, அவர் முன்னாடியா என்பதுபோல சின்னச் சின்ன பிரச்சனைகள் வந்தன. கேட் கதவை இருட்டியதும் பூட்டிவிடுவார்கள்.
ஒரு நாள் கமல் என்னை பார்க்க வந்தபோது, அவர்கள் வீட்டு மணியை அடிக்க, “ உங்களுக்கு கமலைத் தெரியுமா?” என்று வாயடைத்துப் போய், வாடகை ஏற்றாமல் தண்ணீர் அதிகமாகவே திறந்துவிட்டார்கள்.
அந்த வீட்டில் ஒரே ஒரு அசௌகரியம் இருந்தது. புழக்கடை என்று எதுவும் கிடையாது. பக்கவாட்டு காரேஜ் மேல்புறத்தில் தான் இறங்கி துணி உலர்த்த வேண்டும். அந்த வழியே ஷிப்டுக்கு நூறு பஸ் வந்து போகும். அனைவரும் நாங்கள் உலர வைத்த உள்ளாடைகளை தரிசித்துக் கொண்டே செல்கிறார்கள் என்பது ஒரு முறை என் சக ஊழியர். “ உங்க வீட்டிலே யார் பட்டாபட்டி அண்டர்வேர் போடுவீங்க” என்று கேட்டபோது தான் தெரிந்து திடுக்கிட வைத்தது. அவசரமாக சொல்லி குவார்ட்டஸ் கிடைத்தது. மறுபடியும் தோப்பு, துரவு, குயில். அதன்பின் ரிடையர் ஆகும் வரை வீடு மாறவில்லை. அப்புறம் சென்னை வந்து ஆழ்வார்பேட்டையில் ஒன்பது வருடம் ஒரே வீட்டில் இருந்தது ஒரு ரெக்கார்டு.
இப்போது மயிலாப்பூருக்கு மாறுகிறேன்.
எனக்கென்னவோ இடம்பெயர்தல், புலம்பெயர்தல் மனித இயற்கை என்று தோன்றுகிறது. ஆதிமனித தினத்திலிருந்து இது இருக்கிறது. இடம்பெயர்தல் காரணங்கள்தான் மாறி இருக்கின்றன. முன்பெல்லாம் தண்ணீர் தேடி, உணவு தேடி, பிழைப்பு தேடி இடம்பெயர்வார்கள். மலை ஆடுகள், மீன்கள், பறவைகள் போன்ற உயிரினங்கள் கூட இடம் மாறுகின்றன. புத்தர், இயேசுநாதர், முகமது நபி போன்றவர்கள் உண்மையைத் தேடி இடம் மாறினார்கள். எப்போது அலைவதை நிறுத்துவார்கள்?
புனித தாமஸ் அக்வினாஸ் “அழகு அலைவதை நிறுத்தும்” என்றார். உண்மைதான் மகத்தான அழகுக்கு அந்த குணம் உண்டு. எல்லா அலைச்சல்களையும் அதை நிறுத்த வல்லது. திரியும் கால்களையும், அலையும் நாக்கையம் நிறுத்தக் கூடியது. அழகு இடம்பெயர்வதற்கு இன்றைய உலகில் சில அபாக்கியமான காரணங்களும் உள்ளன. சூழ்நிலை பத்திரத்தை குறைக்கும்போது, அது அவன் மொழியாக இருக்கலாம், மதமாக இருக்கலாம், சருமத்தின் நிறமாக இருக்கலாம், இருக்கலாம், விரோத பழக்கவழக்கமாக இருக்கலாம்…..
இப்படிப் பல காரணங்கள் புலம்பெயர்வதற்கு ஏதோ ஒரு விதத்தில் ஒருவிதமான நிலையாமை வரும்போது நாம் பெயர் கிறோம், நீரிலும் நிலத்திலும் சஞ்சரிக்கும் 'மின்க்' என்னும் மிருகம் ஒரு தனிமை விரும்பி. அது மற்றொரு மின்க்கை கிட்டே சேர்த்துக் கொள்வதற்கு ஒரே ஒரு காரணம் இனப்பெருக்கம் தான். காரியம் முடிந்ததும் ‘ ஆளை விடு’ என்று தனிமையை நாடி போய்விடுகிறது. இந்த மனநிலைக்கு தான் ஆண் பெண்கள் எல்லோரும் மெல்ல மெல்ல வந்து கொண்டிருக்கிறோம் அழகின் தரிசனம்தான் நம்மை நிறுத்தும்:

"கந்தனைக் காணவென்று
கார்த்திகைக்கு வந்தேனடி
உந்தனைக் கண்டேன்
இனி ஊருக்குப் போகமாட்டேன்

என்று நாட்டுப்புற கவிஞனை நிறுத்தியதும் அழகுதான்.

Best regards,

Your Name
tel.:
fax:
your@email.com
http://www.yoursite.com

மோட்டார் வாகன சட்டபடி நடத்துனரின் கடமைகள் !

மோட்டார் வாகன சட்டபடி நடத்துனரின் கடமைகள் !



பணியில் இருக்கும் போது நடத்துனர் (MVR Sec 78) ......

(அ) புகை பிடிக்கக் கூடாது

(ஆ) பயணிகளிடம் உபசரிப்புடனும் ஒழுங்குடனும் நடந்து கொள்ள வேண்டும்

(இ) தூய சீறுடை அணிந்திருக்க வேண்டும்

(ஈ) வாகனத்தை சுத்தமாகவும், சுகாதாரமாககும் வைத்திருக்க வேண்டும்

(உ) அடுத்த வாகனத்தில் ஏறும் பயணிகளிடம் இடையூறு செய்யக் கூடாது. அதாவது எந்த வாகனத்தில் செல்ல வேண்டும் என்று முடிவு செய்வது பயணிகளின் உரிமை. அதில் தலையிடக் கூடாது.

பயணிகளிடம் நடத்துனரின் கடமை (MVR Sec 79).........

(அ) அனுமதிக்கப்பட்ட இருக்கைக்கு மேல் ஆட்களை ஏற்றக்கூடாது

(ஆ) பொருட்களை ஏற்றுவதற்கோ, அல்லது வேறு காரணத்திற்காகவோ இடத்தை மிச்சப்படுத்த, பயணச்சீட்டுக்கு சரியான தொகையைத் தர முன் வரும் எந்த ஒரு பயணியையும் புறக்கணிக்கக் கூடாது

(இ) பயணிகள் போக பொருட்களை ஏற்றும் போது, அப்பொருட்களால் பயணிகளுக்கு நெருக்கடியோ இடையூறோ அல்லது அபாயமோ ஏற்படாமல் பார்த்துக் கொள்ள வேண்டும்

(ஈ) எந்த காரணத்திற்காகவும் பயணிகள் வாங்கிய பயணச்சீட்டின் படி பயணம் முடியும் முன்னர் பயணிகளை இறக்கி விடக் கூடாது

(உ) உரிய காரணமில்லாமல் பயண நேரத்தை தாமதிக்கக் கூடாது
                                                                                           (ஊ) எதிர் பாராமல் வாகனத்தில் கோளாறு ஏற்பட்டாலோ அல்லது வேறு சில தவிர்க முடியத காரணத்தினால் பயணத்தில் இடையூறு ஏற்பட்டால், நடத்துனர் “அதே வகையான” வேறு ஒரு வாகனத்தில் பயணிகள் பயணத்தை தொடர ஆவன ஏற்படுத்தித் தர வேண்டும். குறிப்பிட்ட காலத்திற்க்குள் இதை ஏற்படுத்தி தராவிட்டால், பயணிகள் பயணக் கட்டணத்தை நிர்பந்திக்கும் பட்சத்தில் மீதிப் பயணத்தை முடிக்கத் தேவையான பணத்தை செலுத்திவிட வேண்டும்

(எ) பயணிகள் ஏறும், இறங்கும் வழியில் இடையூறு ஏற்படுத்தும் வகையில் பொருட்களை வைக்க அனுமதிக்கக் கூடாது

(ஏ) பயணிகளின் சரக்குகள், பொருட்கள் வேறு நபர் மாற்றி எடுத்துச் சென்று விடாமல் முன்னெச்சரிக்கையாக செயல்பட வேண்டும்

(ஐ) பணி நேரத்தில் மது அருந்தி இருக்கக் கூடாது

(ஒ) வாகனத்தின் இயக்க கால அட்டவனை மற்றும் கட்டண விபரம் வாகனத்தில் தெளிவாக வெளியிடப்பட்டுள்ளதையும், முதலுதவிப் பெட்டியில் குறிப்பிடப்பட்ட அனைத்துப் பொருட்களும் நல்ல நிலைமையில் உள்ளதையும் உறுதி செய்ய வேண்டும்.

(ஓ) நடத்துனரின் மீது புகார் அளிக்க எந்த ஒரு பயணியும் அவருடைய விபரத்தைக் கேட்கும் போது, அவருடைய பெயர், முகவரி மற்றும் அவருக்கு நடத்துனர் உரிமம் வழங்கிய அதிகாரியின் விபரத்தை மறுக்காமல் கொடுக்க வேண்டும்
                                                                      பயணச் சீட்டு வழங்குதல் (MVR Sec 80)..................

நடத்துனர்,.......

(அ) மூன்று வயதுக்கு மேற்பட்ட அனைத்து பயணிகளிடமும், சொந்த பொருட்களைத் தவிர இதர பொருட்களுக்கு உரிய சீட்டு வழங்க வேண்டும்

பேருந்து பலகையை மாற்றுவதும், சரியான வெளிச்சம் அதன் மீது விழுவதை உறுதி செய்வதும் நடத்துனரின் கடமை. – (MVR Sec 81) (மோ.வா.ச பகுதி 81)

ஒரு நடத்துனரோ, அல்லது நிர்வாகம் பயணக் கட்டணத்தை வாங்குவதற்கு அங்கீகரித்த நபரோ, ஒரு பயணி கட்டணம் செலுத்த தயாராக இருக்கும் போது அதை வாங்க மறுக்க கூடாது. அனுமதிக்கப்பட்ட அளவிற்கு மேல் பயனிகளோ பொருட்களோ ஏற்றப்பட்ட உடன் சீட்டு வழங்குவதை நிறுத்திவிடலாம் – (MVR Sec 82.1) (மோ.வா.ச பகுதி 82.1)

ஒரு நடத்துனரோ, அல்லது நிர்வாகம் பயணக் கட்டணத்தை வாங்குவதற்கு அங்கீகரித்த நபரோ, ஒரு பயணியிடம் உரிய கட்டணத்திற்கு மேல் பணம் வசூலிக்கக் கூடாது – (MVR Sec 82.2) (மோ.வா.ச பகுதி 82.2)

ஒவ்வொரு நடத்துனரும் ஒவ்வொரு பயண இறுதியின் முடிவிலும் உடனடியாக பயணிகள் ஏதேனும் பொருட்களைத் தவற விட்டுச் சென்றனரா என வாகனத்தை நன்றாக சோதித்துப் பார்க்க வேண்டும். அப்படி ஏதேனும் பொருள் இருந்தால் அதை உடனடியாக அந்த பயணியிடம் ஒப்படைக்க வேண்டும் அல்லது 24 மணி நேரத்திற்குள் அதை பணிமனை கண்காணிப்பாளரிடம் ஒப்படைக்க வேண்டும்.

அழுகக் கூடிய பொருளாக இருந்தால் அதை 24 மணி நேரத்திற்குள்ளாகவும், மற்றவற்றை ஒரு மாதத்திற்குள்ளாகவும் உரிய ஆதாரத்தைக் காட்டி பனிமனை கண்காணிப்பாளரிடம் இருந்து பெற்றுக்கொள்ளலாம்.

30 நாட்களுக்குள் பொருட்கள் மீது உரிமை கேட்டு எந்த தகவலும் வரவில்லையெனில் தகவல் அலுவலர் மூலம் தகவல் அறிவிப்பு வெளியிட்டு பொது மக்கள் முன்னிலையில் ஏலம் விடப்படும். தவறவிடப்பட்ட பொருளின் மதிப்பு 25 ரூபாய்க்கு குறைவாக இருந்து 30 நாட்களுக்குள் உரிமை கேட்டு உரியவர் வரவில்லையெனில் எந்த முன்னறிவிப்புமின்றி ஏலம் விடப்படும்.

ஏலம் குறித்த விபரங்கள் அலுவலக தகவல் பலகையில் வெளியிடப்படும். – (MVR Sec 293.1)


Best regards,

Your Name
tel.:
fax:
your@email.com
http://www.yoursite.com